6.000 migrantë të rinj do të kalojnë nëpër Maqedoni
Sipas vlerësimit të të gjithë faktorëve të përfshirë në ballafaqimin me krizën e refugjatëve, të pranishëm në kampin e pranimit në Gjevgjeli, gjatë ditës së djeshme nëpër shtetin tonë kanë transituar rreth 6.000 migrantë të rinj nga kampi për pranim në Gjevgjeli deri në Tabanoc...
Nga stacioni i trenit informuan se nga platforma te kampi dje drejt Tabanocit janë nisur pesë trena specialë me rreth 3.300 migrantë, ndërsa në mëngjes u nis edhe treni i parë i sotëm drejt Tabanocit me rreth 600 migrantë.
Nga stacioni i trenit konfirmuan se edhe sot janë të gatshëm të përgjigjen në kërkesat e kampit me trena shtesë specialë, të cilat janë të gatshëm dhe presin thirrje.
Dje një pjesë e madhe e migrantëve janë transportuar me autobusë dhe vetura taksi drejt Tabanocit, ndërsa ky është rasti edhe në mëngjes. Rreth 30-të autobusë dhe taksi vetura i presin migrantët te ura në Suva Rekë dhe prej aty i transportojnë drejt kufirit verior.
Sipas valës së migrantëve në kampin për pranim, pritet edhe sot nëpër vendin tonë të transitojnë rreth 6.000 migrantë. Transporti është mirë i organizuar dhe madje deri tani po zhvillohet pa vështirësi.