Rasti “Monstra”, asnjë vendim as sot, familjarët skeptikë

Marrë parasysh komplikimin e rastit, vendimi me shkrim do t’i dorëzohet avokatëve dhe të akuzuarve në një afat të caktuar.

 

Avokatët mbrojtës sot para trupit gjykues elaboruan ankesat e tyre që kanë të bëjnë më vendimin e shkallës së parë, e cila akuzoi 6 persona për veprën terrorizëm dhe kërkuan nga Këshilli Gjyqësor që lënda të rikthehet edhe një herë në shqyrtimin në shkallën e parë.

 

Ndërkaq, prokurorja e angazhuar në këtë rast kërkoi që të mbetët  në fuqi vendimi i shkallës së parë, duke hedhur poshtë kërkesën e shkallës së parë.

 

Avokati Raufi shpreh besim në Gjykatën e Apelit dhe pret që të merret parasysh kërkesa e tij.

 

“Pres që Gjykata me ndërgjegje t’i marrë parasysh ankesat tona  dhe të miraton vendim ligjor. Nga përmbajtja e dëshmive, ankesa dhe vendimi sipas nesh janë kryer në shkelje të ligjit”- deklaroi avokati mbrojtës, Gjorgji Nastevski.

 

Familjarët e të akuzuarve janë skeptikë për ndonjë vendim pozitiv.

 

“Për rastin “Monstra” u dënuan me burg të përjetshëm gjashtë persona,  Agim Ismailoviq, Afrim Ismailoviq, Alil Demiri, Haki Aziri, Fejzi Aziri, Sami Luta, ndërsa Rami Sejadi u lirua në mungesë të provave, ku kjo u vërtetua edhe gjatë seancës së sotme”- tha familjari, Bedri Ajdari.