Zyrtari amerikan: ISIS-i po përdor armë kimike në Irak dhe Siri

Një zyrtar amerikan ka thënë për BBC se janë konstatuar të paktën 4 raste në të cilat është përdorur gazi mustard në formë pudre.

 

SHBA-ja mendon se grupi terrorist ka një ekip të posaçëm që merret me prodhimin e armëve kimike.

 

Edhe Agjencia e Inteligjencës së Jashtme gjermane, BND thotë se ka mbledhur prova të cilat vërtetojnë përdorimin e gazit mustard nga grupi i Shtetit Islamik.

 

Sipas të përditshmes gjermane “Bild”, agjentët e BND-së zotërojnë mostra gjaku të kurdëve të cilët janë plagosur gjatë përleshjeve me ekstremistët e ISIS.

 

Shefi i BND, Gerhard Schindler pohoi se gazi mustard, që është i një rrezikshmërie tepër të lartë, është përdorur në Irakun Verior.

 

SHBA-ja mendon se grupi terrorist ka një ekip të posaçëm që merret me prodhimin e armëve kimike.