Egjipt, aksion kundër terrorizmit, vriten gabimisht 12 turistë

Ministria e Brendshme ka thënë se trupat e rendit po kryenin operacione në kërkim të “elementeve terroriste” në pjesën perëndimore të shkretëtirës kur kanë shtënë në konvojin e turistëve.

 

Ministria e Jashtme e Meksikës ka thënë se të paktën dy turistë meksikanë janë vrarë, përderisa dhjetëra të tjerë meksikanë dhe egjiptianë janë plagosur.

 

Ministria e Brendshme e Egjiptit ka thënë se do të zhvillojë hulumtime rreth incidentit.

 

Operacionet ushtarake vijnë pasi kohëve të fundit militantë të grupit të “Shtetit Islamik” kanë thënë se kanë zmbrapsur një sulm të ushtrisë egjiptiane në kufi me Libinë.