Putin del për Sirinë, fton vendet e tjera në ndihmë të ASSAD-it

Putin, madje i nxiti dhe shtetet e tjera t’i bashkohen Moskës në nismën e saj për të dërguar atje asistencë ushtarake dhe teknike.

 

Më herët, duke mos i fshehur më shqetësimet e tij mbi veprimet e fundit të Moskës, Uashingtoni u shpreh i bindur se ushtria ruse po përpiqet në ngritjen e një baze operative në perëndim të Sirisë. 

 

Zëdhënësi i Pentagonit, Jeff Davis, deklaroi se ka të dhëna që ditët e fundit Rusia ka zhvendosur trupa dhe pajisje në një zonë pranë Latakias, ku ndodhet një bazë ajrore.

 

Qyteti-port në brigjet e vendit që lagen nga Deti Mesdhe është nën kontrollin e forcave të presidentit, Bashar al Assad, aleat i ngushtë i Moskës.