Zjarr në një hotel në Mekë, haxhilerët nga Maqedonia janë shëndoshë e mirë

Autoritetet saudite thonë se zjarri shpërtheu në katin e tetë të hotelit 11-katësh në lagjen “Azizija”.

 

Nga BFI, ndërkohë, njoftojnë se haxhilerët nga Maqedonia janë shëndoshë e mirë.

 

“Të gjithë haxhinjtë që kanë udhëtuar me Bashkësinë Fetare Islame janë shëndoshë e mirë dhe gjenden mbi 7 km larg vendndodhjes së fatkeqësisë”- deklaroi Jusuf Zymeri nga BFI.

 

Zjarri ndodhi vetëm katër ditë para haxhit dhe gjashtë ditë pas rënies së vinçit në Xhaminë e Madhe në Mekë, që vrau më shumë se 100 persona dhe qindra besimtarë të tjerë mbetën të plagosur.