Kosovë, nis peticioni kundër “Zajednicës” dhe demarkacionit

Krerët e V-së, Aleancës për Ardhmërinë e Kosovës, Vetëvendosjes dhe Nismës thanë se duhet të ndalet bankrotimi i shtetit dhe këtë bankrotim, sipas tyre, e sjellin  marrëveshjet me Serbinë dhe ajo për demarkacionin kufitar me Malin e Zi.

 

“Ky peticion është i të gjithë qytetarëve dhe jo i partive politike, kështu që të gjithë ata që e konsiderojnë të nevojshme nënshkrimin e këtij peticioni, me këtë e forcojnë kundërshtimin e përbashkët të marrëveshjeve që po e dëmtojnë Kosovën. Këto marrëveshje nuk janë të dëmshme vetëm në fushën e rendit dhe të ligjit, por janë marrëveshje të dëmshme ekonomike dhe financiare, të cilat po  degradojnë Kosovën”- deklaroi kryetari i AAK-së, Ramush Haradinaj.

 

Në të gjitha qytetet e Kosovës për disa ditë rresht do të organizohet nënshkrimi i këtij peticioni. Sot atë kanë mundur ta nënshkruajnë qytetarët në Prishtinë.