Eurokomisari Han për vizitë në Qendrën e pranimit në Gjevgjeli

 

Në lidhje me krizën e refugjatëve, eurokomisari Han dje porositi se BE-ja do t'i ndohmojë Maqedonisë në përballjen me këtë problem që ajo të mos bëhet viktimë e kësaj gjendje, e cila është rezultat i gjendjeve në Lindjen e Afërt.

 

BE-ja duhet ta kryejë punën e saj, ndërsa këtë nuk e ka bërë deri më tani", tha Han dhe paralajmëroi se javën e ardhshme KE-ja, e pastaj edhe në Këshillin e ardhshëm të BE-së, do të miratohet dokument i përbashkët për solidaritet evropian.

 

Për shkak të vëllimit të rritur të migrantëve, Maqedonia e ka vazhduar afatin për ekzistimin e gjendjes së krizës në kufirin jugor deri më 15 qershor të vitit 2016.

 

Për këtë vendim në Kuvendin e Maqedonisë kanë votuar gjithsej 82 deputetë.

 

Sipas informacioneve me të cilat disponon Ministria e Punëve të Brendshme, përmes territorit të Maqedonisë nga fillimi i vitit kanë tranzituar 300.000 emigrantë ilegalë, kurse prej kur është shpallur gjendja e krizës janë regjistruar 35.630 migrantë, por numri i vërtetë konsiderohet se është shumë më i madh./mia