Mullah Akhtar Mansur: Të largohen forcat e huaja nga Afganistani

Sipas Mansur, të gjitha marrëveshjet ekzistuese ushtarake dhe të sigurisë midis Qeverisë në Kabul dhe vendeve të tjera duhet të anulohen.

 

Ai i ka bërë këto komente përmes një deklarate të lëshuar para Festës së Bajramit.

 

Mullah Mansur u ka bërë po ashtu thirrje talibanëve që të jenë të bashkuar dhe të injorojnë, siç ka thënë ai, “propagandën e armikut” për përçarje midis talibanëve. 

 

Ndryshe, NATO u ka dhënë fund të gjitha operacioneve luftarake në Afganistan në dhjetor të vitit 2014, duke tërhequr shumicën e trupave.

 

Megjithatë, mijëra ushtarë të NATO-s kanë mbetur atje për të trajnuar forcat afgane.