John Kerry, Rusia dhe Irani të ndihmojnë në konfliktin në Siri

Shtetet e Bashkuara janë të gatshme të angazhohen në dialog për promovimin e marrëveshjes së paqes, me të cilën do të parashihej largimi i presidentit të Sirisë, Bashar al-Assad, ka thënë zoti Kerry mbrëmë në Uashington.

Më tutje, diplomati i lartë amerikan theksoi se “niveli dhe tipi” i aeroplanëve që Rusia i ka dërguar në Siri, “për momentin” është në përputhje me mbrojtjen e forcave të veta në një bazë ajrore afër qytetit bregdetar sirian, Latakia.

Megjithatë, John Kerry është shprehur se synimi përfundimtar i Rusisë në Siri ende nuk është i qartë. Shtetet e Bashkuara janë të shqetësuara për përqendrimin ushtarak të Rusisë në Siri, duke shprehur dyshime se Moska synon mbështetjen e qeverisë së presidentit, Bashar al-Assad.

Moska thotë se synon ta ndihmoj Sirinë, që është aleate për një kohë të gjatë, ta luftojë grupin ekstremist, “Shteti Islamik”.