Bakllavaja “Angela Merkel”, atraksioni i ri i Çarshisë së Vjetër

Ëmbëltorja “Stamboll” ofron bakllava me emrin e gruas më të fuqishme të Evropës.

 

Pronarja e ëmbëltores, Dostana Mustavçe, thotë se ideja për emrin e pazakontë i erdhi duke lexuar shtypin ditor.

 

Merkel është politikania që Dostana e adhuron, madje ato kanë edhe një hobi të përbashkët, gatimin

. 

“Kur jetoja në Stamboll, në një revistë turke lexova se asaj i pëlqen shumë kuzhina. Dëshiron dhe di të përgatisë ushqime të ndryshme, ndihmon në pastrimin e shtëpisë, megjithëse ka njerëz të tjerë për këto punë. Sipas meje, modestia e saj është madhështia e personalitetit të saj, prandaj edhe është e çmuar”- deklaroi pronarja e ëmbëltores, Dostana Mustavçe.

 

Bakllava të njëjtë ndoshta mund të gjesh edhe në dyqanet e tjera të Çarshisë, por emri i pazakontë bën që në ëmbëltoren e saj të shtohen myshterinjtë. Turistët sidomos habiten me emrin e pazakontë të ëmbëlsirës, që e gjithë bota e njeh thjesht si bakllava.

 

VLORA LATIFI-TOPOJANI