Gjevgjeli, migrantët falën namazin e Bajramit

Me këtë rast kishte dërguar imamë për faljen e namazit të Bajramit në tendat e migrantëve në Gjevgjeli. 

 

Gjithmonë kur ka paqe është Bajram, thonë migrantët, duke shprehur keqardhje që këtë festë ishin të detyruar ta presin larg nga shtëpitë dhe të afërmit e tyre për shkak të luftës. 

 

“U detyruam të braktisim shtetin tonë dhe ndoshta në të ardhmen do të kremtojmë këtë festë bashkë me familjet tona në paqe. Gjithë myslimanëve u dëshiroj paqe. Kur ka paqe gjithmonë është Bajram”- tha një qytetar nga Siria.

 

Dëshira e vetme e migrantëve është paqja në Siri, të cilës iu bashkëngjit edhe imami që kreu namazin e Bajramit.

 

“U lutëm që ky namaz të jetë i fundit në këtë vend dhe Bajramin e ardhshëm namazin ta falin në vendin e tyre, me familjet e tyre”- theksoi imami.

 

Ndërsa organizatat humanitare ishin përkujdesur për t’i dhënë kuptim festës, e sidomos t’i gëzonin fëmijët migrantë me ëmbëlsira, që edhe ata sadopak të ndjenin atmosferën e Bajramit.