Progres-raporti i KE-së, analistët: Do të ketë kritika dhe inkurajime

Sipas Ylber Selës, kritikat do të prekin më shumë sfera në të cilat Maqedonia nuk ka arritur progres.

 

Edhe analisti Maksuti shprehet se lista e detyrave që duhet të realizojë Maqedonia mbetet e gjatë.

 

 

“Reformat tjera mbeten ende pa u zgjidhur, d.m.th. mbetet si prioritet për t’u përmirësuar Maqedonia, siç ka të bëjë me pavarësinë dhe paanshmërinë e gjykatave, gjithashtu ajo që ka të bëjë me kodin zgjedhor demokratik që duhet të zbatojë RM dhe të implementojë proces zgjedhor demokratik dhe çështjet tjera që kanë të bëjnë me shërbimet shtetërore për zbulim dhe kundërzbulim”- tha analisti politik, Mersim Maksuti.

 

Sa i takon inkurajimeve, Sela dhe Maksuti thonë se do të jenë në drejtim të zbatimit të marrëveshjes politike, përfshirë këtu kthimin e opozitës në kuvend, si dhe zgjedhjen e prokurorit special.

 

“Vetë inkurajimet shtyjnë që forcat politike në vend të kenë kurajo dhe të heqin dorë nga ato politika klanore dhe të shihet interesi shtetëror dhe interesi i komuniteteve të cilat jetojnë këtu në Maqedoni”- theksoi analisti politik, Ylber Sela.

 

“Me marrëveshjen e arritur për prokurorin special duket se është një nismë e mbarë në drejtim të përmbushjes dhe realizmit të reformave dhe detyrave të parapara tashmë si urgjente për Republikën e Maqedonisë”- u shpreh analisti politik, Mersim Maksuti.

 

Raporti i KE-së është vetëm rekomandues për të arriturat në Maqedoni. Vendimet përfundimtare për çelje eventuale të bisedimeve për anëtarësim i merr Këshilli Evropian, i cili do të mblidhet në fund të dhjetorit.

 

Analistët janë skeptik se Maqedonia nuk ka shans reale për marrjen e datës për fillimin e bisedimeve.