2.515 migrantëve u janë dhënë kërkesa për azil në 24 orët e fundit

 

Deri tani u janë dhënë vërtetime 102.753 shtetasve të huaj, prej të cilëve 68.085 janë të gjinisë mashkullore, 13.888 të gjinisë femërore, 17.336 janë fëmijë të cilët e shoqërojnë bartësin e vërtetimit,  si dhe 3.444 fëmijë  të cilët udhëtojnë pa prindër.

 

Siç njofoti Ministria e Punëve të Brendëshme, në 24 orët e fundit në Sektorin për azil nuk janë parashtruar kërkesa për njohjen e së drejtës për azil,  

 

Nga fillimi i dhënies së vërtetimeve deri më sot në Sektorin për azil janë parashtruar 50 kërkesa për njohjen e të drejtës së azilit në bazë të vërtetimit të dhënë paraprakisht. Me ç'rast  37 kërkesa janë nga shtetas të Sirisë, prej tyre 10 për fëmijë, pastaj tre kërkesa nga shtetas të Pakistanit dhe Afganistanit, prej tyre katër janë fëmijë të cilët e shoqërojnë bartësin e vërtetimit, nga dy kërkesa nga shtetas nga Maroku, Algjeria dhe Iraku (një prej kërkesave është për fëmijë) dhe një kërkesë nga shtetas i Egjiptit.    

 

Në qendrën për pranim për azilkërkues të dielën janë regjistruar gjashtë persona të gjithë burra, ndrësa dy minorenë pa shoqërim dhe një burrë janë vendosur në vend tjetër për akomodim të caktuar nga Ministria e Punës dhe Politikës Sociale.

 

Gjatë fundjavës nga ana e ekipve mobile të Kryqit të Kuq është dhënë ndihma e parë 2.184 personave, ndërsa janë distribuar edhe ujë, paketa me ushqim dhe mjete higjienike./mia