“Besa”: buxheti për vitin 2016 është politik

“Besa” vlerëson se propozim- buxheti është i destinuar në favor të partive në pushtet, e jo në favor të qytetarëve. Sipas kësaj lëvizje, me propozim buxhetin e vitit 2016 Maqedonia gjendet para mashtrimit dhe keqpërdorimit, ndërsa me këtë buxhet do të thellohet kriza ekonomike. 

 

“Është evidente se ky propozim-buxhet do të thellojë edhe më shumë krizën ekonomike. Prandaj, propozimi ynë është që kjo garniturë qeverisëse ta miratojë një buxhet, i cili do t’i përmbante vetëm zërat e financimit të funksioneve tekniko-administrative dhe sociale të domosdoshme dhe njëherësh të anulohen të gjitha projektet që mund të presin të realizohen në kohë normale”- deklaroi kryetari i Lëvizjes “Besa”, Bilall Kasami.

 

Nga kjo lëvizje thonë se ministri i Financave dhe kjo qeveri aktuale, pas marrëveshjes së Përzhinës, nuk kanë kurrfarë legjitimiteti që të propozojnë një buxhet të tillë, pasi që sipas kësaj lëvizjeje ky buxhet është politik.