Libi, kriza e emigrantëve, gjenden 95 trupa pa jetë në 5 ditët e fundit

Sipas autoriteteve vendase, 85 trupa të pajetë u gjetën pranë kryeqytetit Tripoli dhe 10 të tjerë në afërsi të qytetit Sabratha, i cili shërben si pikë kryesore për nisjen e emigrantëve me gomone dhe anije drejt Italisë.

 

Shumica e viktimave janë klandestinë nga vendet afrikane, të cilët tentojnë të kërkojnë një jetë më të mirë në vendet evropiane.

 

Por, gjithashtu situata e trazuar politike në Libi me dy qeveri paralele ka ndikuar në përforcimin e kontrabandistëve, të cilët transportojnë këta njerëz të dëshpëruar nëpërmjet Mesdheut nga Libia në jug të Italisë.

 

Organizata Ndërkombëtare për Migrim thotë se më shumë se 2.600 emigrantë kanë vdekur në vitin 2015 në udhëtimin e tyre në Detin Mesdhe.