Këshilli i Prokurorëve shtyn për një javë propozimet e Janevës

Megjithëse pritet që sa më shpejtë të kompletohet ekipi i prokurores special që të nisë me punë për hetimin e aferës së përgjimeve apo rastin “Puç”, Këshilli i Prokurorëve javën e ardhshme do të miratojë prokurorët e propozuar nga Janeva.

Jozyrtarisht në media përfliten emra të disa nga kandidatët e propozuar që nuk do të marrin “aminin” e Këshillit.

Janeva, ditë më parë ka përzgjedhur 14 prokurorë, 4 prej të cilëve janë shqiptarë, duke theksuar se ky është numri i domosdoshëm për procedimin efikas të rasteve në kompetencë të Prokurorisë Speciale.