Ndeshja e shekullit, sonte Derbi Ballkanik Shqipëri-Serbi

Derisa  Kuq e Zinjtë kërkojnë trepikëshin në fushën e gjelbër, festa në të gjitha trevat shqipfolëse ka nisur prej ditës së djeshme.

 

Gjithsesi, Policia shqiptare ka ndërmarrë të gjitha masat që gjithçka të shkojë si duhet. Janë mbi 2300 policë si dhe njësia anti-terror të angazhuar prej dje, ndërsa RENEA do të ruaj Kombëtaren serbe.

 

Prej mesditës bllokohet dhe kalimi i tunelit Tiranë-Elbasan. 

 

Ndërkohë, qindra tifozë nga Kosova, Presheva dhe Shkupi kanë mbërritur prej mbrëmë në Shqipëri  dhe të tjerë pritet të mbërrijnë deri në 20:45, kur edhe do të nisë sfida në “Elbasan Arena”. 

 

Në Shkup ndeshja mund të ndiqet drejtpërdrejt në sheshin Skëndërbeu, në videobimin e madh të mundësuar nga Komuna e Çairit.