Mexhiti-Sejdini: Arsimi dhe kultura, elemente të përbashkëta kombëtare

Gjatë takimit u  bisedua rreth çështjeve në fusha të ndryshme të veprimit institucional, projekteve të realizuara dhe punëve të cilat i presin në të ardhmen.

Kryetari i Komunës së Çairit e informoi  kreun e bashkisë së  Elbasanit për projektet të cilat janë në fazën e realizimit dhe për aktivitetet tjera në fushën e infrastrukturës urbane, kulturës, arsimit dhe të tjera.

Një ndër fushat e cila ka ngjallur  interes të ndërsjellë dhe në të cilën do të vjen në shprehje ky bashkëpunim, është fusha e arsimit dhe kulturës, segmente këto të cilat apostrofojnë elementet e përbashkëta kombëtare dhe studimore dhe ndihmojnë në njohjen më të ngushtë në mes të dy qyteteve, me vlerat e përbashkëta po aq sa edhe me specifikat që i karakterizojnë ato.

Në fund, dy bashkëbiseduesit  u pajtuan që bashkëpunimi në mes të dy komunave të jetë permanent dhe të zgjerohet edhe në fusha tjera.