Ban Ki Moon: Situata e emigrantëve është një “krizë e solidaritetit global”

Ban vizitoi vendstrehimin “Saint Egidio Community” në Romë, ku u takua me refugjatë dhe fëmijët e tyre.  Ai i përshkroi historitë e refugjatëve si pikëlluese dhe shtoi se donte t’u ofronte atyre “ndjenjën e shpresës.”

Udhëheqësi i OKB¬së, po ashtu pranoi sfidat me të cilat përballen vendet e BE¬së, por i bëri thirrje atyre të tregojnë “një udhëheqje të dhembsur” në strehimin e refugjatëve që përpiqen t’u shpëtojnë luftrave, diskriminimit dhe urisë në vendet e tyre të origjinës.

Përmes një deklarate të shtunën, grupi humanitar “Amnesty International” i bëri thirrje udhëheqësve të BE¬së që t’i venë të drejtat e refugjatëve mbi shqetësimet e tyre për mbrojtjen e kufijve. 

Duke kritikuar planin e BE¬së për t’i ofruar Turqisë ndihmë për kontrollin e lëvizjeve masive të azilkërkuesve në Europë, “Amnesty International” tha se “njerëzit janë duke vdekur, ndërkohë që qeveritë shpenzojnë miliarda dollarë për kontrollin e kufijve.

Në një tjetër ngjarje tragjike, roja bregdetare e Turqisë tha se 12 refugjatë, që mendohet se ishin nga Siria dhe Afganistani, mes tyre katër fëmijë dhe një foshnje, u mbytën gjatë rrugëtimit të tyre me det nga Turqia, për në ishullin grek të Lesbos.