Kievi dhe kryengritësit filluan t'i tërheqin tanket nga rrethi i Donjeckut

Armata e Ukrainës dhe separatistët prorusë sot kumtuan se kanë filluar t'i tërheqin tanket dhe armët e tjera nga linja e frontit në rajonin e Donejckut, pasi ky proces përfundoi në rajonin fqinj të Luganskut.

 

"Filluam sot t'i tërheqim tanket, armët e kalibrit nën njëqind milimetra dhe minahedhës me kalibër deri në 120 milimetra", deklaroi Leonid Matjohin, zëdhënës i armatës ukrainase.

 

Tërheqja filloi në rajonin e Debalcevës, pikë strategjike e lidhjes së qendrave kryengritëse të Donjeckut dhe Luganskut.

 

Informacioni u konfirmua nga Eduard Basurin, njëri prej liderëve kryengritës në Donjeck.

 

Ai shtoi se nesër kryengritësit do t'i tërheqin tanket, e sistemuara pranë Novoazovskut në bregun e Detit Azov në afërsi të portit strategjik Mariupol, qyteti i fundit i madh në zonën e konfliktit, që është nën kontrollin e Qeverisë në Kiev.

 

Basurin theksoi se pas Novoazovskut në radhë është Donjecku.

 

Në konfliktin e armatosur në Ukrainë, i cili filloi në prill të vitit 2014 jetën e kanë humbur mbi tetë mijë persona./mia