Gjatë dy ditëve të fundit mbi 10 mijë refugjatë kanë hyrë në Maqedoni

Mbi 10 mijë emigrantë vazhdojnë të presin që të hyjnë në të, dhe menjëherë pas përfundimit të procedurave, të vazhdojnë rrugëtimin e tyre drejt vendeve të BE-së.

Ndërkohë, nga Organizata Ndërkombëtare për Migrim informuan se gjatë 5 ditëve të kaluara në Greqi kanë arritur 48 mijë refugjatë, njëherësh fluksi më i madh i regjistruar deri tani.

Me këtë zbritje, numri i refugjatëve të cilët deri tani kanë arritur në Evropë, shkon në 681 mijë.

Nga Ministria e Brendshme informojnë se vetëm gjatë 24 orëve të fundit në Gjevgjeli kanë hyrë 3 506 emigrantë, mes të cilëve edhe një numër i konsiderueshëm fëmijësh që udhëtojnë pa prindër.

Sipas shtetësisë së emigrantëve të cilët pajisen me lejekalimi, si kusht për të aplikuar të drejtën e azilit, pjesa më e madhe e tyre vijnë nga Siria, Afganistani dhe Iraku.

Sipas MPB-së prej qershorit kur nisi kriza e emigrantëve, nëpër Maqedoni kanë kaluar 165 mijë e 197 refugjatë, 2/3 e të cilëve janë nga Siria.