Digjet një depo në Vejce

Dëm material prej rreth 150 mijë denarësh ka pësuar Z.D (32) nga fshati Vjecë i Tetovës ku me siguri për shkak të pakujdesisë njerëzore dje rreth orës 15 ka shpërthyer zjarr në objektin e tij ndihmës që është shfrytëzuar si depo në fshat, informoi sot zëdhënësi i SPB Tetovë Marijan Josifovski.

 

Është djegur një pjesë nga çatia e objektit, si dhe 50 shtylla druri të gjata nga 10 metra, afro njëqind metra mushama (najlon), 500 kilogram grurë, sasi e njëjtë e elbit dhe 600 kilogramë patate.

 

Nga zjarri nuk ka njerëz apo kafshë të lënduara, ndërsa dëmi i përgjithshëm material sipas pronarit vlerësohet në 150 mijë denarë. Policia ka kryer ekspertizë dhe punon në konfirmimin e shkakut  dhe gjithçka tjetër lidhur me zjarrin./mia