Prokuroria Speciale, Anevski: Nuk ka risi që të mbajmë seancë të re

 

 

 

“Kërkesa e dytë e prokurores speciale përmban emrat e njëjtë dhe nuk ka rrethana të reja, kemi edhe një kërkesë të re, e cila thotë se eventualisht mund të formohen lëndë të reja dhe do të ketë nevojë për numër më të madh të prokurorëve. Ne e kemi caktuar numrin e prokurorëve publik dhe e kemi shpallur në gazetë zyrtare. Prokurorët duhet të jepnin betimin solemn, por Janeva u tha që të mos vinë, kjo gjë nuk ka ndodhur deri më tani në Këshill dhe mendoj se Prokuroria Speciale duhet të fillojë me punë dhe në të ardhmen të mendohet për rritjen e numrit të prokurorëve publik”- deklaroi kryetari i Këshillit të Prokurorëve, Petar Anevski.

 

Prokuroria Speciale ende nuk ka filluar me punë, pasi nuk janë krijuar kushtet që Janeva të fillojë procedimin e rasteve që dalin nga përgjimet e publikuara nga opozita. 

 

Me një gjysmë ekipi, pa buxhet dhe pa hapësira ku të punojë puna e prokurores publike është bllokuar tërësisht për momentin dhe askush nuk di të japë përgjigje se kur do të fillojë të funksionojë ajo.