Maiziere: së shpejti kthimi i azilkërkuesve nga Ballkani

Autoritetet gjermane paralajmërojnë përshpejtimin e procedurave për kthimin e të gjithë azilkërkuesve nga vendet e Ballkanit dhe Afganistani, të cilët nuk i kanë plotësuar kriteret për të mbetur në Gjermani.

 

Një deklaratë e tillë ka ardhur nga ministri i Brendshëm gjerman, Thomas de Maiziere, pas sondazheve të cilat kanë treguar se partia e kancelares gjermane, Angela Merkel, ka pësuar rënie të ndjeshme që nga kriza e emigrantëve. 

 

Më qindra mijëra emigrantë kanë vërshuar Evropën gjatë këtij viti, kryesisht nga Siria, Afganistani, Iraku, por edhe nga vendet ballkanike, të cilët destinacionin kryesor e kanë Gjermaninë, për arsye të vendeve të punës. 

 

De Maiziere gjatë një konference për media në Berlin ka thënë se vala e emigrantëve në Gjermani këto ditë është rritur shumë.