Gjykata Supreme shënon 70 vjetorin e themelimit

Me këtë rast, ministri i Drejtësisë, Adnan Jashari, tha se Gjykata Supreme mundëson të sigurohet dhe garantohet pavarësia e gjyqësisë.

 

“Shtatëdhjetë vite ekzistencë dhe funksionim i Gjykatës Supreme të Republikës së Maqedonisë është periudhë e mjaftueshme për funksionimin dhe afirmimin e saj shoqëror, si dhe vërtetim për kontributin e saj në mbrojtjen e të drejtave dhe lirive të njeriut, përmes së cilave në mënyrë të drejtpërdrejtë vjen në shprehje respekti dhe dinjiteti, të drejtat e barabarta dhe të patjetërsueshme të të gjithë qytetarëve, si standarde gjithëpërfshirëse kombëtare dhe ndërkombëtare”- deklaroi ministri i Drejtësisë, Adnan Jashari.

 

Ndërkohë, kryetarja e Gjykatës Supreme, Lidija Nedellkova, tha se gjyqësia ka dobësitë dhe lëshimet e veta, por është shtyllë e konstruktit shtetëror.

 

“Ne nuk themi se në gjyqësi nuk ka negativitet dhe anomali, por për të gjitha këto kemi qasje kritike, ndërmarrim masa për tejkalimin e tyre. Prandaj, të mos e rrënojmë sistemin gjyqësor, por ta përgatisim të njëjtin për funksionim efektiv dhe arritjen e idealit për gjyqësi të pavarur në kushte të krizës”- theksoi kryetarja e Gjykatës Supreme, Lidija Nedellkova.

 

Ndërkohë, sipas kryetarit të Kuvendit, Trajko Veljanovskit, në këtë periudhë turbulente krijohet mosbesim te të gjitha institucionet, e në veçanti te Gjykata Supreme.

 

 

Konferenca e Gjykatës Supreme u organizua në bashkëpunim me misionin e OSBE-së në Shkup.