Kompetencat e ministrave do të rregullohen me ligj – negociatat vazhdojnë

Pas bllokimit të takimeve të përfaqësuesve të katër partive për zbatim të marrëveshjes së Përzhinos, eksperti belg Piter Vanohoute mbrëmë ka propozuar ligj të ri për kompetencat e ministrave dhe zëvendës ministrave në qeverinë e re kalimtare.

 

Pas moszgjedhjes së ndihmësve të propozuar të Prokurores speciale Katica Janeva, për të cilën arsye opozita paraprakisht i ndërpreu negociatat, pikë e nxehtë mbeti zgjedhja e ministrave të rinj dhe zëvendës ministrave nga radhët e opozitës, si dhe kompetencat e tyre në qeverinë kalimtare.

 

Kundrejt bllokimit të marrëveshjes së Përzhinos, brenda pesë ditësh do të publikohet edhe Raporti i KE-së për progresin e Maqedonisë.

 

Mbetet të shihet se sa do të ndikojë kriza politike në vendimin që Maqedonia ta mbajë ose ta humbë rekomandimin për negociatat me BE-në.

 

Është e mundur që tani Maqedonia të merr “rekomandim të kushtëzuar për fillimin e negociatave për anëtarësim në BE, gjë që do të varet nga zbatimi i marrëveshjes së Përzhinos.