Janeva mori edhe objektin ku do të punojë

Ndërtesa e vendosur afër qendrës së Shkupit, në rrugën “Franklin Ruzvelt” nr. 34, do t’i përkasë plotësisht vetëm ekipit të Katica Janevës, njoftojnë nga Ministria e Drejtësisë.

 

Por, edhe pse është zgjedhur hapësira, megjithatë nuk ka informacion nëse mund të punohet në të. 

 

Përveç hapësirave, prokurorja speciale mori dje edhe buxhetin e posaçëm për ndjekjen e rasteve lidhur me “bombat” dhe përmbajtjen e tyre.

 

Por, ajo nuk mund të fillojë punën e saj, edhe për shkak se Këshilli i Prokurorëve Publik zgjodhi vetëm gjysmën e ekipit të propozuar, edhe pse Ligji i harmonizuar nga të gjitha palët i jep të drejtë të ketë aq ekip sa vlerëson se i duhet për funksionimin e saj. 

 

Prokurorët, të cilët ishin përzgjedhur, refuzuan të bëjnë betimin zyrtar dhe të gjitha përpjekjet për ta zgjedhur ekipin e plotë deri më tani nuk dhanë rezultate.