Brazil, shembet diga në minierë, 16 viktima

Sipas autoriteteve lokale, ujërat e derdhura nga diga kanë përmbytur edhe zonat e banuara pranë minierës.

Zyrtarë lokalë thanë se diga mbante ujë të ndotur nga punimet e minierës dhe kur ajo u shemb, një lumë balte të kuqe u derdh me shpejtësi drejt qytetit të vogël, Bento Rodrigues.

Autoritetet kanë paralajmëruar se uji i përzier me mbeturinat e operacioneve në minierë mund të jetë toksik.

Mësohet se diga u shemb mbrëmjen e së enjtes dhe kompania që zotëron minierën tha se shkaku për këtë ende nuk dihet.

Operacionet janë fokusuar kryesisht në kërkimin dhe shpëtimin e njerëzve në nevojë, por janë penguar ndjeshëm nga frika për rrëshqitje dheu.