Frontex do të vendoset në kufirin Greqi-Shqipëri

Shefi i kësaj agjencie, Fabrice Leggeri,  për Top Channel, ka deklaruar se agjencia dëshiron t’i parandaloj migrantët nga përpjekja për të arritur në Evropën Perëndimore, duke udhëtuar nëpër Shqipëri.  

Autoritetet e Shqipërisë thonë se kanë bërë përpjekje për strehimin e refugjatëve, nëse ata fillojnë të arrijnë gjatë dimrit.

Laggeri tha se nuk ka plan për krijimin e ndonjë kampi në Shqipëri, pasi “do të mund të ishte ngarkesë për vendet në rajon dhe nuk është në linjë me vendimet e BE-së për shpërndarjen e migrantëve nga Greqia në vendet e tjera të BE-së”.