Curry i shkëlqyeshëm, Golden State të pamposhtur

Kampionët në fuqi korrën sot fitoren e gjashtë në po kaq takime të luajtura, duke mundur 119-104 Denver.

 

Një tjetër mbrëmje magjike e Stephen Curry, që realizoi 34 pikë dhe 10 asist, duke konfirmuar se është pretendenti kryesor për trofeun e MVP.

 

Të gjithë lojtarët e formacionit bazë të “shtetit të Artë” realizuan mbi 12 pikë, duke konfirmuar se loja në grup është arma më e fortë e kampionëve.

 

Golden State është skuadra e vetme në NBA pa asnjë humbje, pasi sot u ndal Toronto, që e rivalizonte në Lindje. Kanadezët u mundën 92-87 nga Orlando, ku u dallua Harris me 20 pikë. Për Toronton, 23 pikët e DeRozan mbetën për statistikë.

 

Me fitore kundërpërgjigjet në Konferencën e Lindjes skuadra e Cleveland, që mundi 108-102 Philadelphia.

 

Nëse Curry bën diferencën te Golden State tek ekipi i Cavaliers dallohet LeBron James, protagonist në fitoren e skuadrës së tij. Ai realizoi 31 pikë dhe 10 asist, lider në fushë, por çelësi i suksesit për Cavaliers ishte stoli, që realizoi 38 pikë.

 

Suksesin e parë në kampionat korri ekipi i Lakers, që mundi 104-98 Brooklyn jashtë fushe. Bryant me 18 pikë ishte më i miri në fushë për kalifornianët, që i bëri të pavlefshme 45 pikët e dyshes Lopez-Johnson për vendasit.

 

Edhe për Lakers stoli realizoi 38 pikë, duke treguar se grupi po kalon një moment të mirë dhe doli nga kriza.

 

Nga ndeshjet tjera, veqojmë fitoren e Indianas ndaj Majamit, si dhe ate të Hjustonit kundër Sacramentos.