Low te Reali i Madridit pas Europianit?

Për momentin Rafael Benitez nuk është në pikëpyetje pas rezultateve pozitive që ka arritur në këtë fillim sezoni me Realin e Madridit por nëse nuk fiton La Ligan ose Champions-in, spanjolli mund të largohet nga i stoli i Los Blancos, për ti bërë vend trajnerit aktual të Gjermanisë Joachim Low.

 

Këtij të fundit i skadon kontrata me Gjermaninë pas përfundimit të Euro 2016, dhe dëshira e Loë është që të marrë drejtimin e një klubi të madh. Nga ana tjetër qëndron presidenti i Realit Florentino Perez i cili gjithmonë ka qenë i fiksuar mbas trajnerëve fitues, dhe për momentin Low është një i tillë, pasi në 2014-n u shpall kampion Bote me Gjermaninë në Brazil.

 

Në fakt Benitez ka firmosur për  3 sezone me klubin merengues gjatë verës por nëse 55-vjecari dështon në vitin e tij të parë vështirë se ai do të vazhdojë të jetë e pjesë e Realit deri në 2018-n.

 

Presidenti Perez është mësuar me shkarkime trajnerësh dhe pasi e bëri një gjë të tillë edhe me teknikun që i dha La Deciman në Champions League, Realit, italianin Carlo Ancelotti nuk është cudi që ta përsërisë dicka të tillë edhe me Benitez-in.

 

Nëse kjo ndodh emri i parë në listën e presidentit të Los Blancos do të jetë pikërisht Joachim Low. 55-vjecari gjerman do të kërkojë një tjetër sukses me përfaqësuesen e pancerave, të fitojë kampionatin europian që do të zhvillohet në Francë, një triumf që i mungon Gjermanisë që nga viti i largët 1996.

 

Nëse Low e realizon një objektiv të tillë atëherë Perez do të ketë një arsye më shumë për ti besuar atij stolin e Realit të Madridit.