Spasovski: Ndalojnë të vlejnë autorizimet e personave udhëheqës në MPB
Ministri i ri i Punëve të Brendshme Oliver Spasovski, i zgjedhur nga radhët e LSDM-së, mbrëmë me telegram i ka njoftuar të gjithë personat udhëheqës se ndalojnë të jenë të vlefshme të gjitha autorizimet e transferuara nga ministrat të cilët kanë udhëhequr me MPB-në deri në ditën e zgjedhjes së anëtarëve të rinj të qeverisë, gjegjësisht deri në zgjedhjen e tij...
"Si ministër i Punëve të Brendshme i zgjedhur me Vendimin për zgjedhjen e anëtarëve të Qeverisë të Republikës së Maqedonisë (gazeta zyrtare e RM nr 197/15), në bazë të autorizimeve ligjore informoj se të gjitha autorizimet e transferuara nga ministrat e Punëve të Brendshme të cilët kanë udhëhequr me MPB-në deri në ditën e miratimit të Vendimit të theksuar për zgjedhjen e anëtarëve të Qeverisë të RM-së, ndalojnë të vlejnë. Me përmbajtjen e telegramit të njoftohen të gjithë punëtorët në MPB", thuhet në telegramin e nënshkruar nga ministri i Punëve të Brendshme Oliver Spasovski, i publikuar në media.
Në funksionin e ministrit të Punëve të Brendshme Spasovski u zgjodh pardje, pas votimit të ligjeve që dolën nga Marrëveshja e Përzhinos për tejkalimin e krizës politike. (mia.mk)