Trafik i ngjeshur në Jahja Pashë të shkupit autobusët nuk i shfrytëzojnë korsitë e reja

Kjo në të shumtën e rasteve ndodh  për shkak të  ndalesës së autobusave në stacionet e vjetra.

 

Edhe pse tash-më disa javë me zgjerimin e rrugës janë mundësuar korsi të veçanta për ndalesën e autobusëve, kompanitë transportuese të njejtit fare nuk i përdorin.

 

Autobusët vazhdojnë ti marrin udhëtarët në stacionet e vjetra dhe të krijojnë kaos të madh në komunikacion.

 

Qytetarët kërkojnë nga Ndërmarrja Publike e Qarkullimit, të shënojë vendin dhe të vendosë kabinat e stacioneve të reja për ndalesën e autobusëve sa më shpejt.

 

“Veç i parkojnë veturat se nuk shfrytëzohen nga ana e autobusave, rrijnë si parkingje”, thanë disa qytetarë.

 

Drejtor i NPQ-së Igor Janushev për TVM-2 thotë se vendosja e stacioneve të reja në këtë zonë janë vonuar për shkak të punës ndërtimore në këtë rrugë, dhe sipas tij kabinat e reja do të vendosën shumë shpejt.

                             

“Unë do t’i kisha lutur të gjithë qytetarët që jetojnë apo lëvizin në afërsin;e kësaj rruge të kenë durim deri sa nuk pëfundon projektin për zgjerimin e rrugës. Mënjëherë pasi përfundojn; punimet ndërtimore në këtë zonë, autobosat do të fillojnë të ndalohen në  vendet e reja të caktuara për ata. Kemi paraparë gjithashtu të vendosim stacione të reja të autbosave dhe sinjalizim të duhur në këtë zonë”, tha Igor Janushev, drejtor i NPQ-së.

 

Zgjerimi i rrugës “Cvetan Dimov” parashikon  edhe korsinë  e tretë, e caktuar për ndalimin e autobusëve për të marrë udhëtarët, dhe kjo sipas kompetetntëve do të normalizojë qarkullimin e trafikut, sidomos në orët më të frekuentuara brenda ditës.