Galaxy S7 prezantohet ne Janar, ben te ditur Evan Blass

Te gjithe e njohin Evan Blass me llogarine @evleaks ne rrjetin social Twitter, i cili ne te kaluaren ka rezultuar nje burim i besueshem informacionesh ne lidhje me industrine mobile.

 

Te Premten, ai shkroi ne rrjetin social Twitter se Telekomi Amerikan, AT&T, po testonte dy variante te Galaxy S7 me emertimet e koduara SM-G930A dhe SM-G935A me nje debutim te mundshem ne ditet e para te 2016-tes.

 

Vete gjigandi korean ka dhene shenjat e para se Galaxy S7 do te mberrinte me heret sesa zakonisht perforcuar edhe nga nje raport i Reuters duke cituar burime koreane pak jave me pare. Evenimenti tradicional i fillim vitit CES 2016 duket momenti perfekt per zyrtarizimin e Galaxy S7-tes.

 

Jo pak here ne te kaluaren Samsung ishte perpjekur te prezantonte modelet e reja te linjes Galaxy S perpara Kongresit Mobil Boteror, i cili hap siparin ne fund te muajit Shkurt.

 

Por pyetja me intriguese ngelet “Pse-ja”. Galaxy S6 dhe S6 Edge padyshim jane dy nga telefonet me te mire sot ne treg. Nje arsye e forte mund te jete tendenca e Samsung per te konkurruar me drejtperdrejte me Apple dhe modelet e reja iPhone 6S dhe 6S Plus.

 

Forbes shkruante se nje teori potenciale mund te jete debutimi i Samsung ne CES 2016 per te rezervuar Kongresin Mobil Boteror per nje produkt tjeter te ri. Ne lidhje me detajet e Galaxy S7, pak kemi dijeni. SamMobile ka njoftuar se Galaxy S7 do te vije ne dy variante: Me proçesor Exynos dhe Sanpdragon 820./PC World Albanian/