Anëtarët e Parlamentit Shqiptar për vizitë në Komunën e Çairit

 

Përskaj kryetarit të komunës së Çairit, Izet Mexhiti në takim, në funksion të nikoqirit, ishin edhe deputetja e BDI – Ermira Mehmeti, zëdhënësi i partisë Bujar Osmani, drejtori i Institutit për trashëgimi kulturore dhe shpirtërore të shqiptarëve në Maqedoni – Skender Asani dhe profesor Rizvan Sulejmani.  

 

Në fokus të bisedimeve, të cilët u zhvilluan veçanërisht në atmosferë miqësore, ishte bashkëpunimi në mes dy vendeve në fushën e kulturës dhe arsimit.

 

Duke u falënderuar për vizitën dhe interesin e theksuar për bashkëpunim, kryetari i komunës Mexhiti i informoi mysafirët nga Shqipëria për projektet të cilat Komuna e Çairit i realizon, e të cilët janë me rëndësi të veçantë për kultivimin e traditës së trashëgimisë kulturore të shqiptarëve dhe përfaqësuesve të popujve tjerë të cilët jetojnë në territorin e Komunës së Çairit. 

 

Në këtë kontekst u prezantuan projektet për ndërtimin e sheshit “Skënderbeu” si dhe projekte tjerë. 

 

Në takim u shqyrtua mundësia e fillimit të projekteve të përbashkëta të cilët kanë rëndësi për popujt e të dy vendeve, ndërsa për realizimin e të cilëve mundet të shfrytëzohen fondet e BE dedikuar për bashkëpunim ndërkufitar.

 

Bashkëbiseduesit u morën vesh që të ngrenë iniciativë për vëllazërimin e kryeqyteteve të Shqipërisë dhe Maqedonisë, Tiranë dhe Shkup, i cili sipas tyre do të kontribuojë për bashkëpunim më të madh, këmbim i përvojave në zgjedhjen e paragjykimeve urbane dhe afërsinë e mëtutjeshme kulturore në mes popujve të dy vendeve. 

 

Në këto korniza u përshëndet iniciativa për formimin e Lidhjes së komunave shqiptare nga vendet e tërë rajonit, e cila duhet të kontribuojë për bashkëpunim më të madh të ndërsjellë në frymën e prosperitetit të bashkësive të cilat jetojnë me to.