Ministria e Transportit, projekte falas për ndërtimin e shtëpive

Me këtë masë të qeverisë mundësohen subvencione prej 900 deri në 2 mijë euro, theksoi ministri i Transporti, Vllado Misajllovski.

 

Ai bëri të ditur se projekte për ndërtim do të mund të marrë secili i interesuar, pasi nuk ka kufizime sa i përket lokacionit për ndërtim.

 

“Projektet janë për ndërtimin e shtëpive individuale me sipërfaqe prej 60, 80, 100, 120, 150 dhe 180 metra katrorë. Përveç zvogëlimit të shpenzimeve për ndërtim me këtë masë, do të zvogëlohen edhe afatet për marrjen e lejes për ndërtim, pasi që projekti tanimë është i njohur për komunën që e jep lejen për ndërtim”- theksoi ministri i Transporti, Vllado Misajllovski.

 

Pas marrjes së projektit, investitorit i mbetet të sigurojë elaboratin gjeodezik, tha ministri i cili sqaroi se ekziston edhe mundësia që të bëhet korrigjim i projektit themelor në bazë të dëshirës dhe nevojave të investitorit. Këtë mundësi do të mund ta shfrytëzojnë edhe ata që shfrytëzojnë projektin “Bli Shtëpi, bli banesë”.