Golden State me bilanc 17-0, Philadelphia me 0-17

Golden State Warriors dhe Stephen Curry nuk njohin limite. Kampionët në fuqi të Nba siguruan fitoren e 17-t në 17 takime duke e zgjatur akoma edhe shumë rekordin e tyre përsa i përket skuadrës me startin më perfekt të sezonit në të gjithë historinë e basketbollit amerikan.

 

Në Arizona Phoenix Suns nuk mundi të bënte asgjë përballë një super Stephen Curry që koleksionoi në total 41 pikë 8 asiste dhe 6 rebound duke udhëhequr formacionin nga Oakland drejt fitores me shifrat 116-135 në këtë transfertë. Falë 44 pikëve të realizuara vetëm në periodën e parë Warriros krijuan një avantazh prej 17 pikësh duke e administruar më pas lehtësisht rezultatin.

 

U rikthye te fitorja Houston Rocekts që me fitoren me shifrat 116-114 thelloi edhe më shumë krizën e Philadelphia 76-ers.

 

Skuadra nga Pensylvania pësoi disfatën e 17 në po kaq takime në këtë sezon duke vijuar startin negativ dhe duke shënuar rekordin më negativ në gjithë historinë e sporteve në SHBA me plot 27 humbje rresht duke llogaritur edhe ato të sezonit të kaluar. J

 

ames Harden me paraqitje mbresëlënse ishte heroi i teksanave në këtë përballje. 50 pikë 8 asiste dhe 9 rebound realizoi në total ylli i Rockets.

 

Nga sfidat tjera, veqojmë fitoret e reja të San Antonios dhe Oklahomas, të regjistruara ndaj Denverit, respektivisht Detroitit.