Rosberg I pari në provat zyrtare në Abu Dhabi
Nico Rosberg ka dalë i pari në provat zyrtare të Çmimit të Madh të Abu Dhabit...
Piloti gjerman arriti i pari në finish, duke lënë mbrapa Lewis Hamilton dhe Kimi Raikkonen.
Kjo është hera e gjashtë radhazi që Rosberg del i pari në provat zyrtare, ndërsa synon fitoren e tretë radhazi në garën e se dielës.
Nico Rosberg preku finishin në kohën 1:40.237, ndërsa shoku i skuadrës, Lewis Hamilton ishte vetëm 0.377 sekonda më i ngadalshëm. Raikkonen mbylli provat në vendin e tretë, me pothuajse një sekondë ngecje ndaj Rosbergut,, ndërsa Sergio Perez i Force India nesër do të niset nga pozita e katërt.
Nga ana tjetër, ngasësi I Ferrarit, Sebastian Vettel dështoi totalisht dhe u eliminua që në minisesionin e parë. Gara për Çmimin e Madh të Abu Dhabit, e fundit në sezonin e sivjem të Formulës 1, në program është nesër, me fillim në orën 14.00.