Golden State nuk njeh limite,18 fitore e asnjë humbje

Skuadra kampione korri sot fitoren e 18-të radhazi në këtë fillim-sezoni, duke mundur 120-101 Sacramenton dhe përmirësuar nga ndeshja në ndeshje rekordin e fitoreve radhazi.

 

Ndeshja u dominua nga basketbollistët e “Shtetit të Artë”, që treguan supremaci në fushë. këtë herë Curry realizoi 19 pikë, por pjesë tjetër të punës e bëri grupi, teksa 6 lojtarë realizuan mbi 11 pikë. 

 

Në Lindje fiton skuadra e Cleveland, që me vështirësi kaloi 90-88 Brooklyn. Ishte LeBron James ai që i dha fitoren skuadrës Cavaliers, duke realizuar koshin e fitores, duke e mbyllur takimin me 26 pikë, po aq sa edhe shoku i skuadrës Love.

 

Një dyshe që po bën diferencën te skuadra e Cavaliers, në krye të renditjes në Lindje, aty ku ndër ekipet pretendente është edhe Toronto, që sot fitoi 84-82 ndaj Washington. 

 

Me fitore kanë vazhduar edhe favoritët tjerë si San Antonio e Dallas.