Obama: I paqartë motivi për vrasjen e 14 personave në Kaliforni

 

"Është e mundur që vrasja të lidhet me terrorizëm. Por, ne këtë nuk e dimë tani për tani. Është e mundur, gjithashtu, të lidhet me probleme në vendin e punës apo motivet mund të jenë të kombinuara", deklaroi presidenti para gazetarëve, pasi u takua në Shtëpinë e Bardhë me këshilltarët e tij të sigurisë nacionale.

 

"Tani për tani nuk e di se pse ka ndodhur kjo ngjarje e tmerrshme. E dimë se dy sulmuesit, të cilët janë vrarë kanë pasur armë dhe duket se kanë pasur qasje tek armët e tjera në shtëpinë e tyre. Por, nuk e dimë se pse e kanë bërë një gjë të tillë dhe nuk e dimë se cilat kanë qenë motivet", shtoi presidenti Obama.

 

Në deklaratën e Kabinetit oval të Shtëpisë së Bardhë ai ju bëri thirrje amerikanëve t'i presin faktet dhe më pas të japin konstatime.

 

"Shumë amerikanë e kanë ndjenjën se nuk mund të bëjnë asgjë kundër dhunës masovike, por të gjithë ne kemi çfarë të bëjmë. Kombi duhet ta parandalojë dhunën", vazhdoi ai.

 

Obama theksoi se është e domosdoshme të ndërmerren masa efikase që të vështirësohet qasja e disa personave drejt armëve. Është e rëndësishme që të gjithë amerikanët, duke i përfshirë edhe ligjdhënësit, të mendojnë se çfarë mund të bëjnë. Por, ai e pranoi se kanosja nga dhuna nuk mund të hiqet tërësisht.

 

Presidenti amerikan urdhëroi flamujt të lëshohen në gjysmështizë pas këtij akti makabër në Kaliforni, njoftuan mediet franceze./mia