San Antonio vazhdon me fitore, triumfon edhe Miami
San Antonio Spurs mbetet rivalja më e afërt e Golden State në Konferencën e Perëndimit, një ekip që po rritet dita-ditës në lojën e tij, duke korrur sot suksesin e 16-të sezonal (vetëm 4 humbje)...
Dhe sërish protagonist për Spurs është Leonard, që realizoi 27 pikë në fitoren 103-83 që San Antonio arriti ndaj Memphis, në një ndeshje të dominuar nga skuadra e trajnerit Popovich. Mirë u paraqitën edhe Aldridge me 18 pikë e Parker me 17.
Një fitore në sekondat e fundit arriti Miami, që mundi 97-96 Oklahomën, në fitoren e 11-të në kampionat. Edhe pse dyshja Durant-Westbrook realizoi 50 pikë së bashku (25 pikë secili), nuk mjaftoi për të fituar.
Ishte kapiteni Wade ai që bëri diferencën, duke realizuar 28 pikë për ekipin nga Florida, mbështetur edhe nga Bosh me 16 pikë.
Nga ndeshjet tjera, veqojmë fitoren e Portlandit ndaj Indianës, si dhe ate të Orlandos ndaj Jutas.