NBA, nuk mjafton LeBron, New Orleans leksion Cleveland

Në American Airlines Center të Dallas-it, James Harden me 25 pikë 9 asiste dhe 5 rebound udhëhoqi Houston-in drejt fitores me shifrat 96-100.

 

Ky ishte suksesi i 9-të sezonal për Rockets në Nba që pak nga pak po arrinë formën e tyre më të mirë.

 

Bie Cleveland Cavaliers. Paraqitja fantastike e Lebron James i cili koleksionoi në total 37 pikë, 8 asiste dhe 7 rebound nuk i mjaftoi skuadrës së trajnerit David Blatt e cila u mposht nga New Orleans Pelicans pas kohës shtesë me rezultatin 114-108. Heroi i formacionit nga Louisianna ishte Anthony Davis me 31 pikë dhe 12 rebound.

 

Vijon serinë e rezultateve pozitive Detroit Pistons. Në Michigan skuadra e trajnerit Stan Van Gundy kaloi Milwaukee Bucks me shifrat 102-95.

 

Fitorja ndaj Washington Wizards në transfertë ishte vetëm një iluzion për tifozët e Los Angeles Lakers, pasi kalifornianët pësuan një tjetër disfatë të 16-tën sezonale teksa u mposhtën në Georgia nga Atlanta Hawks me rezultatin 100-87.

 

Një fitore të rëndësishme arriti edhe New York Knicks që triumfoi në derbin njujorkez përballë Brooklyn Nets 108-91.