Dibër, fillojnë punimet në aksin rrugor Ura e Boshkut

Sot, në prani të kryetarëve të tre komunave, Dibër, Qendër Zhupë dhe Rostushit, ministri për Transport dhe Lidhje, Vllado Misajllovski, shpalli të hapur ndërtimin e rrugëve Ura e Boshkud deri në Dibër dhe Ura e Mollnicanit-Qendër Zhupë. 

 

Janë 50 vite që pritet nga banorët e Dibrës për t’u rinovuar kjo rrugë, tha kryetari i Dibrës, Ruzhdi Lata.

 

Ministri i Transportit dhe Lidhjeve, Vllado Misajllovski, tha se ne menjëherë kemi nisur punimet në rrjetin rrugor. Nga fshati Novo Sello deri në hanet e Mavrovës, aksi rrugor regjional Ura e Boshkut-Dibër dhe Ura e Mollniçanit-Qendër-Zhupë, ne si qeveri investojmë për rreth 30 kilometra në rrjetin rrugor me kosto rreth 6 milion euro, tha ministri  Misajllovski.

 

Aksi rrugor Ura e Boshkut deri në Dibër përfshin gjatësi rreth 8 kilometra, ndërkaq, sipas drejtorit të Agjencisë për Rrugë, vitin e ardhshëm do të fillojnë punimet edhe në ndërtimin e rrugës Gajre deri në Kërçovë.