Një i vdekur dhe dy të lënduar në këmbim zjarrin në rrugën Strugë-Belicë e Poshtme

 

Prokurori i përgjithshëm nga Prokuroria Themelore Publike Strugë ka dhënë urdhër për autopsi të të ndjerit, për grumbullim dhe ekspertizë të gjurmëve nga vendi i ngjarjes. Automjeti nga i cili është shtënë është dërguar në ekspertizë dhe përpunim.

 

"Këmbim zjarri ka ndodhur kur ndaj një grup personash është shtënë nga një automjet në të cilin ndodheshin disa persona. Informatat e para për arsyen për ngjarjen janë marrëdhëniet e prishura mes vete. Pas ngjarjes, autorët e kanë braktisur vendin dhe për momentin janë të pakapshëm për organet e përndjekjes", njoftoi Prokuroria Publike-Strugë.

 

Kirurgu Berat Lena nga Spitali i përgjithshëm i Strugës informoi se në orën 22:15 në spital janë sjellë tre pacientë, prej të cilëve njëri veçmë kishte vdekur.

 

"Plagën hyrëse e ka pasur në pjesën e tëmthit të majtë dhe nuk ka pasur kurrfarë shenja jete. Pacienti tjetër ishte me plagë hyrëse në pjesën e stomakut mbi kërthizën, zorra e hollë në tre vende ka qenë e lënduar, ndërsa ka qenë e lënduar edhe veshka e majtë, uretra në tre vende. Lëndimet i sanuam, thirrëm edhe urolog, i cili e sanoi uretrën. Gjatë operacionit pacienti ishte stabil dhe teknikisht u sanuan të gjitha lëndimet dhe momentalisht është në kujdes intensiv jashtë rrezikut për jetë", deklaroi Lena.

 

Për pacientin e tretë, i cili fillimisht është dërguar në spitalin për ortopedi dhe traumatologji "Shën Erazmo" në Ohër, për shkak të seriozitetit të lëndimeve është dërguar në klinikat e Shkupit, prej nga kirurgu strugan ka marrë informatë se është në gjendje stabile dhe pritet intervenimi i tij./Mia