“Reporterët pa kufij”, 54 gazetarë mbahen peng, fenomeni në rritje

Shifra është publikuar nga organizata e “Reporterët pa kufij”. Kjo organizatë bën të ditur se numri i gazetarëve që po mbahen peng, burgosen dhe zhduken është rritur me 35 për qind në krahasim me vitin e kaluar.

 

“Jemi të habitur nga numri i gazetarëve të mbajtur peng në vitin 2015. Ky fenomen është çdo herë e në rritje, sidomos me rrëmbimet në Jemen. 33 gazetarë janë rrëmbyer nga Sandal-Kaedës gjatë vitit 2015, 13 prej tyre ende mbahen peng”- deklaroi sekretari i përgjithshëm i RPK-së, Christophe Deloire. 

 

Siria është vendi me numrin më të madh të gazetarëve që mbahen peng, me 26 të tillë. Ndërkohë, 18 gazetarë të tjerë mbahen peng në territoret e pushtuara nga ISIS në Irak.