Bashkimi Evropian, liderët: Të përshpejtohen forcat e reja kufitare

Liderët kanë vendosur që deri  në gjysmën  e vitit të ardhshëm të pajtohen për detajet e forcës së re kufitare, e cila ishte propozuar nga Komisioni Evropian më herët, këtë javë.

 

Disa liderë, përfshirë kryeministrin grek, Alexis Tsipras, kanë sinjalizuar se dëshirojnë ta largojnë elementin e propozimit, i cili i mundëson Brukselit, që pjesëtarët e kësaj force të re t’i dërgojë në vendet anëtare pa marrëveshje me to.

 

Greqia dhe Italia janë nën presion që të bëjnë më tepër për menaxhimin dhe identifikimin e emigrantëve që arrijnë në këto vende.

 

Qeveritë e shteteve anëtare të BE-së, në përgjithësi, ende pritet t’i zbatojnë premtimet për t’i ndihmuar azilkërkuesit, që tashmë kanë hyrë, dhe për t’i dëbuar emigrantët ekonomikë të padëshiruar.