Dukshmëri e zvogëluar afër Gostivarit, Strumicës, Kriva Pallankës dhe Pavleshencit

Komunikacioni në të gjitha rrugët shtetërore po zhvillohet pa ndalesa, nëpër rrugë kryesisht të thata në viset më të ulëta dhe vende-vende nëpër rrugë të lagështa dhe në vendet ku nuk bie dielli.

Nga LAMM rekomandojnë kujdes në drejtimin e automjetit, shpejtësi të adaptuar gjatë qarkullimit dhe respektim të sinjalizimit të vendosur rrugor. Kujdes të veçantë duhet pasur në akset të cilat kalojnë përmes grykave malore, veçanërisht në akset rrugore Katllanovë - Veles, Mavrovë - Dibër - Strugë, Gostivar-Mavrovë, Demir Kapi - Udovë, Koçan-Dellçevë, Vinicë-Berovë, ku mund të paraqiten shembje të vogla të dheut.

Intensiteti i komunikacionit në drejtimet rrugore jashtë mjediseve urbane është mesatar, ndërsa në vendkalimet kufitare nuk ka qëndrime më të gjata për hyrje dhe dalje nga vendi.

Mëngjesin e sotëm në pjesën më të madhe të vendit moti është i freskët dhe kryesisht i qetë. Përgjatë Vardarit dhe në një pjesë të fushëgropave ka mjegull. Në Gjevgjeli dhe Kriva Pallankë po fryen erë e lehtë përkohësisht mesatare nga drejtimi veriperëndimor. Mëngjeisn e sotëm mjegull më intensive është vërejtur në Shkup, Tetovë, Shtip, Demir Kapi, ndërsa dukshmëri të zvogëluar ka në Strumicë dhe në disa pjesë të Pellagonisë.

Temperatura më e ulët është matur -7 në Berovë, -6 në Manastir, -4 në Mavrovë, Strumicë dhe Vinicë, -3 në Dibër dhe Tetovë, -2 në Prilep, Kriva Pallankë dhe Llazaropole, -1 në Kavadar, Gjevgjeli, Shkup dhe Pretor, 0 në Kumanovë, Demir Kapi, Shtip, Dojran, Ohër, 1 në Pozhar, 2 në Krushevë, Pozhanar dhe Gjurishte dhe 4 në Topollçan. (mia.mk)