LSDM: Prokuroria Publike reagon vetëm kur preket Gruevski

Prokuroria duhet që të sqarojë se si mediat qeveritare kanë informacione dhe detaje nga hetimi para se ato të publikohen nga organet përgjegjëse, duke spekuluar e krijuar huti në opinion me këto materiale, thonë nga LSDM, duke konstatuar se Prokuroria Publike reagon vetëm kur janë në pyetje interesat e Nikolla Gruevskit.

 

“Kur u publikuan bisedat, që treguan krim serioz, korrupsion dhe keqpërdorim të institucioneve nga ana e Nikolla Gruevskit dhe bashkëpunëtorëve të tij, Prokuroria Themelore Publike me muaj heshti dhe nuk ndërmori asgjë. Madje, me muaj të tërë nuk veproi  as pas padive penale që i ngriti LSDM, në bazë të dëshmive nga bisedat e publikuara.  Projekti ‘E vërteta për Maqedoninë’ tregoi se cilët janë kriminalët e vërtet në Maqedoni”- thonë nga LSDM.