MPB, janë dhënë 3.275 vërtetime për të drejtë të azilit

Prej të cilëve 1.312 janë të gjinisë mashkullore, 687 të gjinisë femërore, 1.268 janë fëmijë të shoqëruar nga bartësi i vërtetimit, si dhe tetë fëmijë të cilët udhëtojnë pa prindër.

 

Sipas shtetësisë së personave të cilëve u janë dhënë vërtetime, sipas MPB -së më të numërt janë shtetasit e Sirisë 1.305, Irakut 1.048 dhe Afganistanit 922. Gjatë 24 orëve të kaluara deri te Sektori për azil nuk është dorëzuar kërkesë për njohjen e së drejtës së azilit në bazë të vërtetimit të dhënë paraprak për shtrimin e kërkesës për njohjen e së drejtës së azilit.

 

Nga fillimi i dhënies së vërtetimeve e deri mbrëmë në Sektorin për azil janë parashtruar 83 kërkesa për njohjen e së drejtës së azilit në bazë të vërtetimeve të dhëna përpara me ç'rast 55 kërkesa janë nga shtetas të Sirisë, me ta janë edhe 23 fëmijë të cilët e shoqërojnë prindin, pastaj 13 kërkesa nga shtetas të Afganistanit me ta janë edhe 14 fëmijë të cilët e shoqërojnë prindin, tre kërkesa nga shtetas të Pakistanit dhe Irakut, nga dy kërkesa nga shtetas të Marokut, Libanit, Palestinës dhe Algjerisë dhe një kërkesë nga një shtetas i Egjiptit.